"Насиб қилса, Парагвайни енгамиз" — Ихтиёр Ропиев

- Ўйин ҳақида

Ўйин яхши бўлди, фақат озгина омад келмади. Ўз хатоларимиз эвазига голлар ўтказиб юбордик. Ҳечқиси йўқ, дуранг ҳам керакли натижа. 

- Ўзбекистон термасининг кўплаб зарбалари ё ноаниқ кетяпти, ё дарвозабон турган нуқтага йўналтирилмоқда...

- Сал тажриба етишмади деб ўйлайман. Кейинги учрашувларда буни тўғрилашга уринамиз.

- Жароҳат олган футзалчиларнинг йўқлиги қанчалик билинди?

- Ҳамманинг ўз ўрни бор эди. Айниқса, уларнинг тажрибаси бизга қўл келарди. Худо хоҳласа, таркибдаги ёшлар уларнинг ўрнини муносиб равишда тўлдиради.

- Парагвай Коста-Рикани 5:2 ҳисобида ютди. Мутахассисларга кўра, Паравай Нидерландиядан кучлироқ. Бу борада қандай фикр билдирасиз?

- Тўғри, Парагвай стабил ва кучли жамоа, лекин гуруҳимиздаги ҳамма жамоа бир хил даражада деб биламан. Олдимизда бизда тайёргарлик учун 2 кун вақт бор. Насиб қилса, Парагвайни енгамиз.

Эслатиб ўтамиз, 2-тур доирасидаги Ўзбекистон – Парагвай баҳси 17 сентябрь куни 20:00 да старт олади.