"Наполи" мухлислари футболчиларни танқид қилишди

"Наполи" футболчилари мухлислар танқидига учради, дея хабар берди "Ansa". Мухлислар стадион яқинига "Мураббий пул тўлади, лекин ҳамма ўйинчиларга тушунарли бўлсин: чемпионликни қўлга киритиш жазосиз қолдиришга сабаб бўлмайди", деган ёзув билан баннер осиб қўйишди.

Шу тариқа, мухлислар чемпионлик мавсумидан сўнг жамоанинг натижаларидан норози эканликларини очиқ айтишди. Неаполликлар айни дамда А Серия турнир жадвалида пешқадам "Интер"дан 10 очко ортда қолиб, 4-ўринни эгаллаб туришибди. "Адзурри" Чемпионлар Лигасида ҳали гуруҳдан чиқишни кафолатлаб олишмади.

"Наполи" президенти Аурелио Де Лаурентис Руди Гарсияни бош мураббий лавозимидан бўшатди. Унинг ўрнини Вальтер Маццарри эгаллади.