Нагельсманн: "31 ёшимда ЧЛда иштирок этаётганим учун "Хоффенхайм" футболчиларига миннатдорчилик билдираман"
19 сен 2018 13:45
Янгиликлар

Нагельсманн: "31 ёшимда ЧЛда иштирок этаётганим учун "Хоффенхайм" футболчиларига миннатдорчилик билдираман"

"Хоффенхайм" бош мураббийи Юлиан Нагельсманн "Шахтёр"га қарши бўлиб ўтадиган Чемпионлар лигаси гуруҳ босқичининг 1-тур учрашуви ҳақида фикр билдирди.

"ЧЛдаги дебют учун кимга раҳмат айтишни билмайман: Жамоа мураббийсиз бундай натижага эриша олмайди, аммо мураббий ҳам ўйинчиларсиз ҳеч ким. 31 ёшимда Чемпионлар лигасида иштирок этаётганим учун "Хоффенхайм" футболчиларига миннатдорчилик билдираман.

Бу мен учун тарихий воқеами? Ҳаммаси "Шахтёр"га қарши баҳсга боғлиқ. Муваффақиятнинг сабаблари кўп: Ўз олдимизга қўядиган мақсадлар, сарфлайдиган кучимиз, бироз иқтидор ва бундай натижага эришиш учун ёрдам берадиган атроф муҳит.

Кадрлар билан боғлиқ муаммолар? Саккиз нафар футболчингизда муаммо бўлса, сизга қийин бўлади, аммо машғулотларни давом эттиряпмиз ва ҳар бир футболчига талаб қўямиз. Олдинда бизни жиддий ўйин кутиб турибди.

Исмларни айтадиган бўлсам, Эрмин Бичакчич майдонга тушмайди, ҳозир Жошуа Бренет, Кевин Акпогум ва Керем Демирбайнинг иштирокини муҳокама қиляпмиз" - дейди Нагельсманн.

Ҳавола :

Манба : shakhtar.com

Янгиликларни Телеграмда ўқинг!

Рейтинг: +11