МЮ футболчиси Милан аэропортида кўриниш берди
17 янв 2020 19:28
Янгиликлар

МЮ футболчиси Милан аэропортида кўриниш берди

"Манчестер Юнайтед" ҳимоячиси Эшли Янг фаолиятини "Интер"да давом эттиради.

Журналист Жанлука ди Марционинг хабарига кўра, футболчи "Интер" таркибида кўрикдан ўтиш учун Милан шаҳрига етиб борган.

Трансфер 1,5 миллион еврога нархланади. 2021 йилга қадар келишувга эришган Янг "Интер"да 6 миллион евро маош олади.

Ушбу трансферни "Манчестер Юнайтед" бош мураббийи Оле-Гуннар Сульшер ҳам тасдиқлади.

"Янг ёзда 35 ёшга тўлади. Агарда унга 2 йиллик шартнома таклиф қилишган бўлишса, у буни қабул қилиши керак эди. Бироқ биз бунга тайёр эмасдик. Янг клуб учун борини берди. У сардор сифатида совринлар ҳам ютди: чемпионатлар, турли хил совринлар... Энди эса у 35 ёшида ҳам футболни ташламасдан бошқа саргузаштлар излаб йўлга чиқди. Менимча у айни дамдаги энг тўғри қарорни қабул қилди", - деди Сульшер.

Ҳавола :

Манба : twitter.com/gianlucadimarzio

Янгиликларни Телеграмда ўқинг!

Рейтинг: +18