МЮ футболчилари Рангник ва унинг мураббийлар штабидан норози

Душанба куни “қизил иблислар” уйда “Вулверхэмптон”га мағлуб бўлди ва бу вазиятни янада оғирлаштирди.

The Mirror журналисти Дэвид Макдонеллнинг хабар беришича, МЮнинг 11 футболчиси жамоа устози Ральф Рангник ўз ваъдасини бажармагани ва уларга ўйин амалиёти тақдим этмаётганидан норози. Шунингдек, ўйинчиларнинг кўпчилиги мутахассиснинг иш услубидан ҳафсаласи пир бўлган. Улар янги тактикага кўника олмаяпти, шунингдек, Рангник билан бирга ишлаётган мутахассисларнинг савияси етарлича эмаслигидан ҳам ҳайратда қолишган.

“Манчестер Юнайтед” кийиниш хонасидаги муҳит даҳшатли. Афтидан, жамоани катта муаммолар кутмоқда”, дея Макдоннел аноним манбанинг сўзларига таяниб хабар берди.