Мухтор Қурбонов: “Голдан кейин ўйнимиз чиқмади”

-Бугунги ўйинга бошқача тайёргарлик кўргандик. Афсуски, жамоалар ўртасидаги олдинга қўйилган мақсад бўйича фарқ борлиги кўриниб қолди. Гол урган бўлсак-да, кейинчалик футболчиларни танимай қолдим. Ўйинни ташлаб қўйишди.
 
 -Иккинчи даврада ўйинларингиз кучайгандек. Қандай эришдингиз?
 
-Биринчи даврадаги мағлубиятлар сабабини ўрганиб чиқдик ва маълум бўлдики, жисмоний тайёргарлик сусайганлигини англадик. Тактика бўйича ҳам кўпроқ ишладик ва ўсиш пайдо бўлди. Биринчи даврадаги хатолар бўлмаганда 5-6 ўринлар учун ҳам курашиб кўрардик.
 
-Биринчи даврада “Шўртан” жиддий қаршилик кўрсатганди, бугун аксинча?
 
-Бугун жамоамизни танимадим. “Насаф”дан ҳам кучли ўйин кутгандим. Ўйин темпи ҳам пас бўлди. Биз гол урганимиздан кейин “касаллик”ми билмадим, футболчилар ўйинни ташлаб қўяди. Бу камчиликни бартараф этиш устида ишлаяпмиз.
 
-Ғузордаги ўйинларни кечроқ бошлашни иложи йўқми?
 
-Биз ўзаро келишган ҳолда илгарироқ қўямиз. Рақиб жамоа транспорти бўйича муаммо бўлмаслиги учун илгарироқ бошлаймиз. Ўйинларни кечроқ ўтказиш бўйича ҳам имкониятимиз бор.
 
-Ўзбекистон кубоги финалида кимлар ўйнайди? Мутахассис сифатида фикрингизни билдирсангиз
 
-Абрамов кубок финали учун курашни тўхтатмаган. Аммо, менимча, финалга “Насаф” чиқса керак. Имкониятлар 70/30деб баҳолаган бўлардим.