Муҳаннад Ал Яҳё: "Ўз майдонимизда U-23 Осиё кубоги бош совринини қўлга киритишни хоҳлаймиз"
26 июл 11:55
Янгиликлар
Муҳаннад Ал Яҳё: "Ўз майдонимизда U-23 Осиё кубоги бош совринини қўлга киритишни хоҳлаймиз"
Мираброр Усмонов хотира турнири доирасида Саудия Арабистони U-23 ҳамда Япония U-23 (1:5) учрашувидан сўнг саудияликлар дарвозабони Муҳаннад Ал Яҳё ўз фикрлари билан ўртоқлашди. У Ўзбекистонга қарши ўйинда майдонга туширилганди.
"Эҳтимол, ғалабага лойиқ эмасдирмиз, чунки кўнгилдагидек ўйин намойиш этмадик ва ўйинга етарлича тайёргарлик кўрмаганимиз учун яхши натижа кўрсата олмаяпмиз. Биласизми, биз фақат тўрт кун машғулот ўтказдик.
Келгуси йил январь ойида мамлакатимиз мезбонлигида ўтказиладиган Осиё кубогида бош совринни қўлга киритишни хоҳлаймиз.
Сўнгги турга келадиган бўлса, Ўзбекистон Япония устидан ғалаба қозониши мумкин. Улар ўз мухлисларининг қўллаб-қувватлашлари остида ўйин намойиш этишади, шунинг учун балки муваффақиятга эришар", деди Ал Яҳё.
Оқил Абдубарноев суҳбатлашди.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
CAFA Nations Cup. Ўмон сўнгги дақиқадаги гол эвазига Туркманистонни таслим этди ва вақтинчалик гуруҳ етакчисига айланди
Валерий Кичин: "Ҳалол ўйин бўлишини истардим"
Фикрлар