МТЖни ким билан ўйнаши эртага маълум бўлади

Айни пайтда терма жамоамизга спарринг рақиб қидирилмоқда. Рақиб сифатида пойтахтнинг уч жамоаси ёки биронта ёш тоифадаги терма жамоаларимиздан бири бўлиши мумкин. 16 август куни "Локомотив" ўз майдонида "Гулистон" жамоасига қарши баҳс олиб боради. "Пахтакор"ни эса "Олмалиқ"қа қарши муҳим баҳс бор. "Бунёдкор"ни Бекободда ундан осон бўлмаган баҳс кутиб турибди.

Ёшлар орасида терма жамоага қаршилик кўрсатиши мумкин бўлган жамоалар билан ўйнашда мантиқ йўқ бўлса керак. Чунки МТЖ сафига жалб этилган ёшларни МТЖда синаб кўриш керак. Асосий таркибисиз қолган ёшлар билан ўйнашдан мантиқ йўқ.

ПФЛда тўп тепадиган легионерларни йиғишни эса иложи йўқ. Чунки, юқорида қайд этиб ўтганимиздек 16-17 август кунлари  тур ўйинлари мавжуд.

Маълум бўлишича эртага терма жамоамизни ким билан ўйнаши расман маълум бўлади.

Қизиқувчилар учун 13-15 август куни Осиё жамоалари ўтказадиган учрашувлар рўйхатини келтириб ўтамиз. Унда Осиёнинг бешинчи терма жамоасига қарши қитъалараро тўқнашувларда дуч келиш эҳтимоли мавжуд бўлган Уругвай ва Перунинг мос равишда Япония ҳамда Жанубий Корея билан сафарда майдонга тушишини кўрамиз. Шунингдек, бир неча кунлар аввал Вьетнам, Таиланд сингари жамоалар Европанинг гранд клублари билан беллашувларда иштирок этишди.

Бангладеш - Покистон
Япония - Уругвай
Жанубий Корея - Перу
Тожикистон - Ҳиндистон
Чили - Ироқ
Индонезия - Филиппин

Осиё Кубоги саралаш учрашувлари
Сингапур - Уммон
Сурия - Иордания