Моуринью Шомуродовнинг трансфери ҳақида гапирди (ўзбек тилида томоша қилинг)

- Шомуродов жамоага нима бера олади деб ўйлайсиз?

- Жуда кўп нарса. Элдор билан шартнома имзолаганимизда жамоага тезлик ва ҳаракатчанлик керак эди. Ҳужумдаги тезлик ва ҳаракатчанлик. Биз Элдорнинг трансферидан мутлақ қониқиш ҳосил қилдик. Ўша куннинг ўзида бу трансферга ажойиб реакциялар бўлди. Кўпчилик ҳам буни кутмаганди. Сабаби, трансферлар бозори жуда шафқатсиз жой. Бундай ажойиб трансферни амалга ошириш эса албатта ажойиб. Ушбу йигитлар билан биз ўз жамоамизни қурамиз. Тўғри, бизда дунёнинг энг кучли таркиби йўқ. Лекин, ҳеч ким бизга "сизлар кейинги ўйинни ютолмайсизлар" дея олмайди.

Жеконинг кетиши ҳам жамоага ёмон таъсир ўтказди. "Бетис" билан ўйинга қадар бу жамоада ўз аксини кўрсатди. Эдин бошқа клубга ўтаётгани сабаб бизда шубҳалар пайдо бўла бошлади. Янги ўйинчи билан шартнома имзолашга улгурамизми йўқми... Ўйинчиларим бу вазиятдан ҳавотирда эдилар. "Бетис" билан ўйинга икки кунгина қолганида етиб келган Шомуродов эса ўзини жуда ажойиб кўрсатди. Элдор тезда ўзини қандай тоифадаги ўйинчи эканлигини кўрсатиб қўйди, - дейди португалиялик мутахассис.

Эслатиб ўтамиз, Шомуродов "Рома" сафида 2та ўртоқлик ўйинида майдонга тушиб, 2та гол ва 2та ассист қайд этди.