МОФА “CAFA U-16 championship”мусобақасини кенг ёритадиган ОАВларни тақдирлайди

Ушбу мусобақада Ўзбекистон, Тожикистон, Афғонистон ва Қирғизистоннинг 16 ёшгача бўлган футболчиларидан иборат терма жамоалари иштирок этишади. Учрашувлар “Миллий” ҳамда “Локомотив” стадионларида бўлиб ўтади.

Марказий Осиё футбол ассоциацияси ушбу мусобақани юқори савияда ташкил этилиши ҳамда унга бўлган мухлис-у мутахассисларнинг эътиборни янада ошириш мақсадида кенг кўламли ишларни амалга оширмоқда.

Хусусан, мазкур мусобақани кенг миқиёсда ёритиб борадиган оммавий ахборот воситалари 4 та йўналиш бўйича аниқланади: “Мусобақани кенг ёритиб борган энг яхши ТВ”, “Мусобақани кенг ёритиб борган энг яхши радио”, “Мусобақани кенг ёритиб борган энг яхши сайт” ҳамда “Мусобақани кенг ёритиб борган энг яхши газета”. Мусобақа якунида ҳар бир йўналиш бўйича энг яхши деб эътироф этилган ОАВ МОФА томонидан тақдирланади.

Таъкидлаб ўтамиз, U-16 Марказий Осиё чемпионати баҳслари учун ОАВ вакилларини аккредитациядан ўтказиш жараёни бугун якунига етади. “CAFA U-16 championship” мусобақаси учрашувларини бевосита стадионнинг ўзидан ёритишни мақсад қилган барча турдаги ОАВ вакиллари ўз ҳодимлари рўйхати (“заявкаси”)ни қуйидаги электрон почтага ([email protected]) жўнатишлари талаб этилади.