Мирко Еличич: "Про лигада аксарият жамоалар шунчаки натижа учун курашяпти"
18 апр 19:22
Янгиликлар

Мирко Еличич: "Про лигада аксарият жамоалар шунчаки натижа учун курашяпти"

Про лиганинг 3-туридан ўрин олган "Олимпик" – "Олимпик-MobiUz” (1:2) учрашувидан сўнг мезбонлар бош мураббийи Мирко Еличич матбуот анжуманида фикрларини билдириб ўтди.

- Ўйин ҳақида

- Тушунарсиз натижалар кўрсатяпмиз. Бугунги ўйинга ҳам яхши тайёргарлик кўргандик. Натижаларимиз кўнгилдагидек бўлмаяпти. Кўрсатаётган футболимиз ҳам, таркибимиздаги футболчилар ҳам ёмон эмас. Мақсадимиз – ёшларни тарбиялаб, вояга етказиш.

- Кейинги турда "Арал" майдонига сафар қиласизлар. Ортда қолган натижалардан сўнг уларни бу ўйинга руҳан қандай тайёрламоқчисиз?

- Албатта, "Арал" майдонида осон бўлмайди. Йўл, об-ҳаво, майдон каби муаммолар бор. Қийин бўлишини биламиз, лекин яхши натижа кўрсатиш учун ҳаракат қиламиз.

Про лигадаги жамоалардан менга "Олимпик-MobiUz"нинг ўйини ёқди. Жамоа ҳақиқий футбол ўйнаяпти. Қолган жамоалар шунчаки натижа учун курашяпти деб ўйлайман. Жамоамиз ёшлари шундай жамоалар билан ўйинларда янада тобланишади. Ўйиндан-ўйинга кучайиб борамиз.