UZ

Сўнгги янгиликлар

00:33Спаллетти "Ювентус" учун рекорд ўрнатди  0 00:08"Жирона" — "Реал". Таркиблар маълум  1 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  36 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3

Миржалол Қосимов: "Оддий вазиятларда жуда кўп хатоларга йўл қўйдик" Янгиликлар

Миржалол Қосимов: "Оддий вазиятларда жуда кўп хатоларга йўл қўйдик"

ОКМК - "Бунёдкор" ўртасидаги Суперлиганинг 2-тур ўйинидан сўнг мезбон жамоа устози Миржалол Қосимов матбуот анжуманида иштирок этди.

Ўйин ҳақида

Қизиқарли ўйин гувоҳига айландик. "Бунёдкор" жамоасини табриклайман. Ёшларимиз ҳам учрашув охирида жаҳон чемпионати йўлланмасини қўлга киритишди-ку. Футбол шуниси билан қизиқ. Оддий вазиятларда жуда кўп хатоларга йўл қўйдик. Рақиб ҳам яхши ҳаракат қилдик, зич ҳимояланди. Ҳужумчилари ҳам яхши ҳаракатланди. Бизга ноқулайликлар туғдирди. Биринчи бўлимда ўтказиб юборилган голимизга баҳона топишимиз керакмас. Иккинчи ўтказиб юборилган голдаги пенальтини ҳам йўқ жойдан юзага келтирдик. Ботирали оддий ўйнаб, аутга чиқариб юбориши керак эди. 


- Одатда, ғалабали ўйиндан кейин мураббийлар дарвозабонни алмаштирмайди. Валижон Раҳимов ўзини яхши кўрсатганди. Эргашев ҳам энг кучли дарвозабонлардан бири. Лекин бугун унинг куни эмас экан. Буни қандай изоҳлайсиз?

- Ўйинчиларни текшириш лозим эди. Қолаверса, кўп ротация қиламан. Қўл остимда нечта ўйинчи бўлса, имкон қадар ҳаммасидан фойдаланишга ҳаракат қиламан. Бу ҳам хатоим бўлиши мумкин. Шу вазиятда Валида ҳам шундай ҳолат юзага келиши мумкин эди. Бу нарсага эътибор бермаймиз. Бугун ютқазишимиз керак эди. Жуда кўп хатолар қилдик. Чемпионат энди бошланди. Баҳорда ҳамма жисмонан тайёр бўлмайди. Шогирдларимга ҳам айтаман, "Аллоҳдан бошқа ҳамма хато қилади, лекин хулоса чиқариш сенлардан", дейман. 


- Сияваш майдонда бўлганида, майдонда креативлик яхши бўлади. Бугун уни захирада қолдириш хато бўлмадими?

- Юқорида айтганимдек, кимдандир хато топишга эмас, ҳаммадан фойдаланишга ҳаракат қиламан. Бугун ҳаммамиз ютқаздик. Негаки ҳар хил вазият бўлади. Бу, менинг қарорим. 


- Ҳакамларга эътирозингиз борми?

- Уларнинг ўз раҳбари бор. Таққослаш учун айтишим мумкин, бизнинг ўйинчимиз тўхтатиб қолинганда, рақибга сариқ карточка кўрсатилмади. Лекин кетма-кет йўқ жойдан учта сариқ карточка ишлаб олдик. У ҳам инсон. Унинг ҳам хато қилишга ҳаққи бор. Кўпроқ ўзимиз рақибга хатоларимиз билан ёрдам бериб юбордик. 

- Клуб раҳбарияти жамоага қандай аниқ мақсад қўйган?

- Қаерда ишлашимдан қатъи назар, олдимизга юқори мақсад қўйганман. Лекин ҳар доим ҳам ўйлаганингдек бўлавермайди.


- Ўтган ўйинда ҳам биринчи бўлиб гол ўтказиб юборгансиз. Ўшанда ўйиндан кейинги интервьюда ҳам ҳали мавсум боши эканлиги, футболчилар ўз ўйинларини топиб олишлари лозимлигини таъкидлагансиз. Мавсумга тайёргарлик давомида ўнга яқин ўртоқлик учрашувида майдонга тушдингиз. Бу етарли бўлмадими?

- Баҳорда ҳеч қайси жамоа юз фоиз тайёр бўлмайди. 100% фақат ёшлар термамиз тайёр, чунки улар қитъа мусобақасида иштирок этмоқда. Уларнинг мақсади жаҳон чемпионатига йўлланма олиш эди. 1-турда ҳеч ким дуранг учун ҳам ҳаракат қилмади, фақат ғалабага интилди. Қайси жамоа яратилган вазиятлардан унумлироқ фойдаланган бўлса, ғалабани қўлга киритди. "Сурхон"га қарши баҳсда ҳам, бугун ҳам биринчи бўлимда дарвозамиз тарафга йўналтирилган тўп гол бўлди. Ундан олдин беш-олти бор шундай вазият юзага келганда, ҳеч қандай гап-сўз бўлиши мумкинмасди.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика