UZ

Сўнгги янгиликлар

21:58Суперлига. "Қўқон-1912"нинг ғалабасиз серияси давом этади, бу сафар жамоа Жиззахда "Сўғдиёна"га енгилди  5 21:55Суперлига. "Сурхон" - "Бухоро" учрашувида ғолиб аниқланмади  6 21:15Филиппе Коутиньо расман "Васко да Гама" футболчисига айланди  1 20:58"Манчестер Юнайтед"да янги тўлқин: беш футболчи клубни тарк этиш ниятида — Романо  2 19:49Аарон Рэмзи фаолиятини Мексикада давом эттиради  0 19:21Салоҳ: "Ҳеч қачон "Ливерпул"га қайтишдан бунчалик қўрқаман деб ўйламагандим. Диогунинг йўқлигига кўникиш ниҳоятда қийин"  1 18:58Хитой клуби рақибларини лаънатлагани учун жаримага тортилди  0 18:32Диогу Жотанинг ҳаётий ҳақиқатлари  1 18:14"Барселона" Уильямснинг трансфери барбод бўлгач, эътиборини "Ливерпуль" футболчисига қаратди  8 17:48"Арсенал" футболчиси билан шартномани муддатидан олдин бекор қилди  1 17:20"Бавария" собиқ ҳужумчиси Остон Ўрунов ўйнаётган жамоага бош мураббий бўлди  2 16:53"Ливерпуль" устози Слот Жота билан охирги суҳбати нима ҳақида бўлганини айтиб берди  0 16:27Расман: "Сўғдиёна" албаниялик ҳужумчи трансферини эълон қилди  13 16:10Дарвин Нуньес: "Табассумингни унутмайман"  1 15:44"Манчестер Сити" португалиялик дарвозабоннинг товон пулини тўлашга тайёр  0

Миржалол Қосимов: "Ал Ҳилол" кучли жамоа, лекин ҳеч ким мағлубиятлардан суғурталанмаган" Янгиликлар

Миржалол Қосимов: "Ал Ҳилол" кучли жамоа, лекин ҳеч ким мағлубиятлардан суғурталанмаган"

Осиё Чемпионлар Лигаси 5-тури доирасидаги АГМК - "Ал Ҳилол" учрашувидан олдин ташкил этилган матбуот анжуманида олмалиқликлар бош мураббийи Миржалол Қосимовга иштирок этди. Унга ҳужумчи Зафар Полвонов ҳамроҳлик қилди.

"Авваламбор, Ассалому алайкум. Эртанги ўйин жуда ҳам муҳим. Қолаверса, гуруҳдаги тўртта жамоада ҳам имконият бор. Барча жамоада биринчи ўринга чиқиб олиш учун имконият мавжуд. Танганинг иккинчи тарафи, эртанги баҳсда очко йўқотилиши мусобақадаги имкониятларни йўққа чиқаради. Биз охиригача ҳаракат қилиб, имкониятдан фойдаланишга интиламиз. "Ал Ҳилол" билан учрашувда натижа учун курашамиз", – Миржалол Қосимов. 


 


— "Ал Ҳилол" билан дастлабки ўйинда дуранг қайд этгансизлар. Рақиб ҳақида маълумотлар етарли. Бу жамоангизга эртанги баҳс олдидан устунлик бериши мумкинки? Шунингдек, жамоа 12 кун ичида бешинчи ўйинда майдонга тушади. Жисмоний толиқиш қанчалик сезилади?

— "Ал Ҳилол" жуда ҳам кучли жамоа. Лекин охирги турда улар "Истиқлол"га ютқазишди. Умуман футболда мағлуб бўлмайдиган жамоа йўқ. "Ал Ҳилол"ни ўрганиб чиқдик, таркибдаги барча футболчилар сафда. Эртага албатта яхши натижа учун ўйнаб, мухлисларни хурсанд этишга ҳаракат қиламиз. Футбол шунақа нарсаки, унда кимдир хато қилади ва бошқа фойдаланиб кетади. Оддий бир кичик элементар хато ўйин тақдирини ўзгартириб юбориши мумкин. Имкон қадар камроқ хато қилиб, имкониятдан максимал фойдаланиш лозим. Ўйлайманки, эртага жуда ҳам қизиқарли ўйин бўлади. Тўғри, кетма-кет бешинчи ўйин. Балки жисмоний толиқиш сезилиши мумкин. Жамоада ротациялар ҳам қилинади. 



— Матбуотда "Ал Ҳилол" ҳақида танқидлар жуда кўп учрамоқда. Лекин шунга қарамай "Ал Ҳилол" барибир жуда кучли жамоа. Мазкур жараёнлар ҳақида нима дея оласиз?

— "Ал Ҳилол" Осиёнинг энг кучли жамоаларидан бири ҳисобланади. Футболда ҳеч ким мағлубиятлардан суғурталанмаган. "Истиқлол" "Ал Ҳилол" билан ўйинда жуда ҳам яхши ҳимояланди ва қарши ҳужумда ўйнаб, вазиятлардан фойдаланди. "Истиқлол"га тасанно. Мазкур ўйинни кўриб чиқдик. Аввал таъкидлаганимдек, "Истиқлол" ҳимоясини ёриб ўтиш жуда мушкул. "Ал Ҳилол" ҳам бунга қийналди ва эътиборни ҳужумга қаратган ҳолда ҳимояни эсдан чиқариб, қарши ҳужумларни ўтказиб юборди. Футболда бундай ҳолатлар учраб туради. Шуниси билан ҳам қизиқ футбол.  



— "Истиқлол" яхши ҳимояланганини таъкидлаб ўтдингиз. "Ал Ҳилол"га қарши ўйинда эртага жамоангиз ҳам шундай ҳимоявий услубдан фойдаланадими?

— "Ал Ҳилол" билан очиқ футбол ўйнаб бўлмайди. Чунки рақиб жуда кучли жамоа ва юқори даражадаги ижрочи футболчиларга эга.



"Ҳаммага Ассалому алайкум. Эртанги баҳсда фақат ва фақат ғалаба бизни қаноатлантиради. Ортга йўл йўқ. Инша Аллоҳ ғалаба учун майдонга чиқамиз", – Зафар Полвонов.


Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика