АГМК 36 ёшли форварди билан шартномани узайтирди
16 янв 2022 17:07
Янгиликлар
АГМК 36 ёшли форварди билан шартномани узайтирди
Олмалиқлик мухлислар ёқимтойи, жамоа тарихидаги энг яхши тўпурар ҳужумчилардан бири, АГМК сафида барча - 5 мусобақада (Суперлига, Ўзбекистон кубоги, Лига Кубоги, ОЧЛ, Суперкубок) гол урган ягона футболчи - Зафар Полвонов янги мавсумда ҳам жамоа шарафини ҳимоя қилади.
Тажрибали голедор ҳужумчи Зафар Полвонов клуб билан ўртадаги битимни 2022 йил якунига қадар узайтирди. 36 ёшли футболчи АГМКда тўққизинчи мавсумни ўтказишга тайёр.
Зафар Полвонов АГМК сафида 189 ўйинда майдонга тушган ва рақиблари дарвозасига 60 маротаба гол урган.
Тажрибали ҳужумчи бутун фаолияти давомида 388 учрашувда майдонга тушган ва 110 бор гол уришга муваффақ бўлган.
Голга чанқоқ ва бош билан ўйнаш ҳадисини олган ажойиб ҳужумчи янги мавсумда ҳам АГМК либосида мухлисларни хурсанд этишига ишонамиз.
Ўхшаш янгиликлар
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Фикрлар