Мирислом Ҳасанов: "Ҳаёт давом этади"
14 ноя 2021 18:23
Янгиликлар

Мирислом Ҳасанов: "Ҳаёт давом этади"

Про-лиганинг 23-туридан ўрин олган "Нефтчи" - "Нурафшон" (1:1) учрашувидан сўнг меҳмонлар бош мураббийи Мирислом Ҳасанов ўз фикрларини билдириб ўтди.

Ўйин ҳақида

- Бугун ўйин учун йигитларга эътирозим йўқ, улар охирги дақиқаларга қадар курашишди. Ҳаёт давом этади, футбол шуниси билан қизиқ. Афсус, 11 метрлик жарима зарбасидан фойдалана олмалик. Йигитлар ёмон ҳаракат қилишмади. "Нефтчи" - яхши шаклланган жамоа.

- Клубнинг олдиндаги режалари қандай бўлади?
- "Нурафшон" Про-лигада тўртинчи ўринни қўлга киритишга муносиб эмас эди. Якундаги натижа учун мухлислардан узр сўраймиз. Эндиги ўйинимиз уйда "Олимпик" билан бўлади. Бу учрашувда албатта ғалаба учун майдонга чиқамиз.

- Бугунги ўйинда жамоангизга ғалаба учун нима етишмади деб ўйлайсиз?
- Бир оз шошиб қолдик. Мақсадимиз фақат ғалаба эди. Вазиятлардан фойдалана олмадик. Кўрдинглар, биринчи бўлимда ҳам гол уриш учун вазиятларимиз бўлганди.

- Мирислом ака, сиз мавсумнинг кўп қисмини U-18 ёшлар жамоасида ўтказдингиз? Айтингчи, ёш футболчилар орасида клубнинг асосий таркибига номзодлар борми?
- Шу мавсумнинг ўзидаёқ бир-икки тайёр футболчилар бор эди. Ҳозирча уларни майдонга тушириб таваккал қилмадик. Кўрамиз, қайси футболчи ўзини ҳар томонлама кўрсата олса, уни асосий таркибга жалб этамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: