Миодраг Радулович: “Ўйлайманки, бугун Ўзбекистон тўғридан-тўғри Жаҳон чемпионати йўлланмасини ҳал қилади”

Мазкур учрашув олдидан черногориялик мутахассис Миодраг Радулович фикрларини билдирди. 

"Менимча, Ўзбекистон бугунги ўйинда ўз ишини охиригача етиказади ва тўғридан-тўғри Жаҳон чемпионатига йўлланмани қўлга киритади. Саралаш босқичида улар яхши иштирок этишди. Шахсан менинг фикримча, Ўзбекистон БAAдан яхшироқ жамоа ва улар ғалаба қозонишга қодир деб умид қиламан.

БАА терма жамоаси яқинда бош мураббийини алмаштирди — бу эса жамоага маълум даражада янги руҳ ва энергия олиб киради. Янги мураббий — румин мутахассиси, у БААда анча вақтдан бери фаолият юритади, маҳаллий лигани ва футболчиларни яхши билади. Лекин барча омилларни инобатга олган ҳолда айта оламанки, ҳозирги вақтда Ўзбекистон кучлироқ жамоа ва менимча, бугун ғалабани айнан улар нишонлайди.

Ишонаманки, қолган икки учрашувда ҳам Ўзбекистон яхши ўйин намойиш этади, керакли натижани қўлга киритади ва футболни севувчи, уни яхши тушунадиган садоқатли мухлислари билан биргаликда жаҳон чемпионатига тўғридан-тўғри йўлланмани муносиб нишонлайди. Мен буни уларга бутун қалбимдан тилайман

Ўзбекистондаги дўстларим ва барча футбол ишқибозларига катта салом йўллайман. Қолган икки учрашувда улкан омад тилайман — тўғридан-тўғри жаҳон чемпионатига йўлланмани қўлга киритинг ва футболдан завқ олинг. Ўзбек футболининг бунга тўлиқ ҳаққи бор", - дейди Миодраг Радулович.