"Милан" ва "Ньюкасл" "Сантос" ёш ҳужумчисига қизиқиш билдирмоқда
03 янв 2023 12:10
Янгиликлар

"Милан" ва "Ньюкасл" "Сантос" ёш ҳужумчисига қизиқиш билдирмоқда

"Милан" ва "Ньюкасл" раҳбарлари қишки трансфер ойнасида "Сантос"нинг ёш ва иқтидорли бразилиялик ҳужумчиси Анжело Боржесни олиб келмоқчи.

"Calciomercato" хабарига кўра, Бразилия клуби вакиллари 18 ёшли футболчи учун турли бонусларни ҳисобга олмаганда тахминан 20 миллион евро олмоқчи. Милан жамоаси атиги 15 миллион евро таклиф қилишга тайёр.

Алоҳида айтиш жоиз, Боржеснинг ўзи ҳам фаолиятини Европанинг топ-чемпионатларидан бирида давом эттиришга қарши эмас. Бу йил ҳужумчи "Сантос" таркибида Бразилия чемпионатида 23 та учрашув ўтказиб, 1 та гол урди ва 5 та голли узатмани амалга оширди.

Эслатиб ўтамиз, Стефано Пиоли қўл остидаги "россонери" айни дамда Италия чемпионати турнир жадвалида 2-поғонани банд этиб турибди.

Ҳавола :

Манба : Calciomercato

Янгиликларни Телеграмда ўқинг!

Рейтинг: +3