"Милан" "Брюгге"дан салкам 40 млнлик трансферни амалга оширди

Ардон Яшари "Милан" сафига қўшилди. "Милан" клуби "Брюгге" ярим ҳимоячисининг трансферини эълон қилди. Швейцария миллий терма жамоаси аъзоси билан шартнома 2030 йилгача тузилди.

23 ёшли ярим ҳимоячи янги жамоасида 30-рақамни танлади.

"Брюгге" клубига футболчи учун 39 миллион евро тўланиши хабар қилинганди.

Яшари ўтган мавсумда Белгия чемпионатида 35 та ўйин ўтказиб, 3 та гол урди ва 4 та голли узатма берди.