"Металлург" яна йиғинни бошлади

Пойтахт вилояти вакиллари одатдагидек машғулотларни Чирчиқ шаҳридаги “Кимёгар” стадионида олиб боришаяпти.
 Режага кўраиккинчи йиғин январь ойининг охирига қадар Тошкент вилоятида олиб борилади.

Йиғин даврида олий лига клубларига қарши икки-учта кўрик ўйини ўтказилиши ҳам режалаштирилган. Қайси жамоаларга қарши куч синалиши ҳақида қўшимча маълумот берамиз. Аввал хабар берганимиздек, таркибда жиддий ўзгаришлар йўқ. Ўтган йилги таркибдан Умид Тожимов, Жасур Бобоевлар кетишган. Одил Исабоев мураббийлар штабида иш бошлади.

Янги келганлар ҳақида ҳам аниқ маълумот беришга ҳали эрта. Ўринбосарлар таркибидан 5-6 нафар ўйинчи асосий таркиб машғулотларида иштирок этишаяпти. Четдан чақирилганлардан Мурод Тошматов (“Сўғдиёна”) ва Юсуф Бўриев (“Шўртан”)лар жамоа кўригидан ўтишмоқда. Улардан кимлар асосий таркибга қўшилиши спарринг рақибларга қарши кўрик учрашувларидан кейин маълум бўлади. Жамоанинг асосий дарвозабони Маъмур Икромов Янги йил байрами арафасида шамоллаб қолганлиги боис йиғинга бир ҳафталардан кейин қўшилиши кутилмоқда. Қолган ўйинчиларнинг кайфияти ва саломатлиги кўнгилдагидек.