“Металлург” ПФК аъзолари вакцина олишди

Мамлакат миллий чемпионатининг 13-тури ва иккинчи даврасига тайёргарлик кўраётган Бекободнинг “Металлург” жамоаси футболчилари машғулотларнинг сўнгги босқичини бошлади. Машғулотларга киришишдан олдин клуб раҳбарияти футболчилар ҳамда мураббийлар штабининг саломатлиги, пандемия шароитида уларнинг соғлигини муҳофаза қилиш учун вакцина қабул қилишни мақсадга мувофиқ деб топди. Тайёргарликнинг сўнги даври олдидан жамоанинг барча ўйинчилари, мураббийлар штаби, клуб раҳбарияти ва ходимлари тиббий кўрикдан ўтказилди. COVID-19'га қарши эмланди.

Вакцина олгандан кейинги кун енгил машғулотлар билан чекланган футболчилар бугундан тўлақонли машғулотларга киришишди. 

Эслатиб ўтамиз, Coca Cola Суперлиганинг 13-тури доирасидаги “Металлург” – “Қизилқум” учрашуви 1 август санасида бўлиб ўтади. Ўйин Бекобод шаҳридаги “Металлург” марказий стадионида соат 20:00 да бошланади.