Месси йилнинг энг яхши футболчисини тақдирлаш маросимида қатнашади
21 сен 2018 23:19
Янгиликлар

Месси йилнинг энг яхши футболчисини тақдирлаш маросимида қатнашади

“Барселона” ва Аргентина терма жамоаси ҳужумчиси Лионель Месси ФИФА томонидан ўтказиладиган йилнинг энг яхши футболчисини тақдирлаш маросимида иштирок этади.

31 ёшли ҳужумчи ушбу маросимда учта асосий даъвогарлар қаторига киритилмаган. “Реал” ва Хорватия терма жамоаси ярим ҳимоячиси Лука Модрич, “Ливерпуль” ва Миср терма жамоаси ярим ҳимоячиси Муҳаммад Салоҳ, “Ювентус” ва Португалия терма жамоаси ҳужумчиси Криштиану Роналду якуний рўйхатдан жой олишган.

Месси 2006 йилдан бери илк марта кучли учлик сафидан жой олмади. Аммо у йилнинг рамзий терма жамоаси сафидан жой олишга даъвогар. Шунингдек, унинг ЖЧ-2018 да Нигерия термаси дарвозасига киритган голи “энг яхши гол” номинациясига даъвогар бўлиб турибди.

Йилнинг энг яхши футболчиси номи 24 сентябрь куни Лондонда маълум қилинади.

Ҳавола :

Манба : Daily Mail

Янгиликларни Телеграмда ўқинг!

Рейтинг: +24