"Мен ушбу клуб учун яралганимни исботлайман" — Азар "Реал"дан кетмайди

Мадриднинг "Реал" клуби вингери Эден Азар "Реал"дан кетиш ҳақида ўйламаётганини айтди.

"Мен кетиш ҳақида бир сония ҳам ўйлаганим йўқ. Муваффақиятсизликка учраганим сабабли "Реал"ни тарк этмайман. Мен бу клуб учун яралганман ва буни барчага исботламоқчиман.

"Реал"да эдим, лекин гўё унда бўлмагандек эдим, тушуняпсизми? Бу жуда қийин эди. Коронавирус туфайли ҳам менга қийин бўлди. Шартнома имзолаганимда, томошабинга тўла "Сантьяго Бернабеу"да ўйнашни орзу қилгандим.

Умид қиламанки, тез орада стадионимиз қуриб битказилади ва мухлислар трибунага қайтишади. Менга бу жуда зарур", – деди Эден Азар.