"Машъал": Файзиев миллий терма жамоага, тўрт футболчимиз ёшлар термасига жалб этилди

Бош жамоамизнинг навбатдаги йиғини Озарбайжонда ташкил этилади. Ушбу йиғинга клубимиз сардори Шерзод Файзиев ҳам жалб этилди. Ҳимоячимиз 16 август куни Тошкентга жўнаб кетади. Тошкентдан 18 август куни Озарбайжон пойтахти Боку шаҳрига етиб бориб, 20 август куни Озарбайжон терма жамоасига қарши ўртоқлик учрашувини ўтказади. Миржалол Қосимов жамоаси 21 августда ортга қайтади.

Ундан ташқари 12-21 август кунлари Равшан Ҳайдаров бошқарувидаги Ўзбекистон ёшлар терма жамоаси Туркияда йиғин ўтказади. Ушбу йиғинга "Машъал" клубидан тўрт футболчи жалб этилди. 1995 йилда ва ундан кейин туғилган ёшлардан иборат жамоа ушбу йилда Мянмада Осиё чемпионатида иштирок этади.
 
Йиғилга жалб этилган "машъалчилар":

1. Шерзод Абдураимов (дарвозабон)
2. Отабек Шукуров (ярим ҳимоячи)
3. Элдор Шомуродов (ҳужумчи)
4. Аслиддин Абдиев (ҳужумчи)