Марсьяль узоқ муддатга сафдан чиқдими?

Эслатиб ўтамиз, Антони Марсьяль 2022 йилги Жаҳон чемпионати саралаши доирасидаги Франция ва Қозоғистон терма жамоалари ўртасидаги ўйинда (2:0) тиззасидан жароҳат олган эди. 

"Қизил иблислар" устози Оле-Гуннар Сульшернинг сўзларига кўра, францияликнинг жароҳати дастлаб кутилганидан жиддийроқ бўлиб чиқди.

"Биз Антонини мавсум охиригаса йўқотган бўлишимиз мумкин. Айниқса, аввалига у билан ҳеч қандай жиддий воқеа содир бўлмаганлиги тўғрисида хабарлар тарқалганини ҳисобга олсак, бу хабарни қабул қилиш қийин бўляпти. Кўриб турибмизки, ҳаммаси биз кутганимиздан кўра ёмонроқ", – дейди Сульшер BBC'га. 

Марсьяль АПЛнинг жорий мавсумида "Манчестер Юнайтед" таркибида 22 та ўйин ўтказиб, 4 та гол урган.