Марсело Коэльо: “Бугунги ўйин биз учун сўнгги имконият”

Биз Малайзия терма жамоаси бош мураббийи билан учрашиб ундан ўйин олдидан интервью олдик.

-  Бундан олдин Австралия терма жамоасига қарши ўйин ҳақида гапирсангиз.
-  Биз биринчи ўйинда кучли рақибга қарши майдонга чиқдик. Афсуски (0:2) ҳисобида мағлубиятга учрадик. Австралия терма жамоасига қарши учрашувда бир қанча хатоларга йўл қўйдик. Ўйлайманки бугунги ўйинда  ушбу хатоларни такрорламаймиз.

- Бугун 2 – тур учрашувни амалдаги Осиё чемпионига қарши ўтказасизлар. Ушбу ўйинга шогиртларингизни руҳан тайёрлай олдизми?
- Австралияга қарши яхши ўйин кўрсатдик. Бугун Япония терма жамоасига қарши ўйинда бор кучимиз билан ғалаба қозонишга ҳаракат қиламиз. Бу биз учун сўнгги имконият. Агар бугун ғалаба қозона олмасак мусобақани гуруҳ босқичидаёқ якунлаймиз. Ушбу  учрашув биз учун сўнгги имконият. Шунинг учун манашу имкониятдан унумли фойдаланамиз ва Японияни мағлуб этамиз.

- Ўзбекистон сизга ёқдими?
- Ушбу йирик турнир Ўзбекистонда бўлиб ўтаётганидан ва мусобақада иштирок этаётганимиздан жуда ҳам хурсандман. Ўзбек ҳалқи менда яхши тасуротлар қолдирди. Улар хушмуомала ва мулойим экан. Жуда ҳам ажойиб турнир ўтказиляпти.   

  Жаҳонгир Сотволдиев суҳбатлашди.