Марсело Бьелса клубга ёрдам бериш учун маошини олишдан бош тортди

“Лидс” бош мураббийи коронавирус пандемияси вақтида клубдаги маошини олмасликка қарор қилди. У бу орқали жамоага ёрдами тегишини хоҳламоқда. “Лидс”нинг бир неча мураббийи Бьелсадан ўрнак олиб, унинг йўлини тутди. Шунингдек, мураббийлар штаби ҳам маош олмасликка рози бўлди. Клуб ўйинчилари ва мураббийлари баёнот билан чиқиб, “Лидс” фақат майдонга чиқаётган футболчилардан иборат эмаслигини, унинг кўп сонли ходимлари ҳам клуб аъзоси эканлигини таъкидлади.

Футболчилар ва мураббийларнинг маош олмаслиги орқали “Лидс” клубнинг бошқа ходимларига маошни ўз вақтида тўлаши мумкин.