Маркус Тюрам Месси совға қилган бутсасини дўстига бериб юборгани ҳақида айтиб берди

"10 ёш пайтимда отамни (Лилиан Тюрам) "Барселона"даги машғулотини кўришга борганман ва бутсаларим ёнимда эмасди. Месси ёш эди ва машғулотдан сўнг бошқа болалар билан тўп тепишни хоҳладим. Леонинг бутсалари ўлчами меникига тўғри келарди.

У менга бутсаларини ташлаб кетди, бироз тўп тепдим, кейин у менга "ўзингда олиб қол" деди. 10 ёш эдим дедимку, нима содир бўлганини тушунмаганман, эртаси куни бутсаларни дўстимга бериб юборганман. Ҳозир ҳар куни афсусланаман" - дейди "Интер" ҳужумчиси.