Marca класикодаги йирик мағлубиятдан сўнг "Реал" ўйинчиларини "кўмди". Ўйинчиларга қандай баҳолар қўйилди?

Мадрид жамоасининг саккиз ўйинчиси - Даниэль Карвахаль, Эдер Милитао, Давид Алаба, Начо, Каземиро, Тони Кроос, Мариано Диас, Родриго - баҳоланмади - нашр чизиқча қўйди.

"Реал" ўйинчилари орасидаги энг юқори баҳо дарвозабон Тибо Куртуага тегишли - икки юлдуз. Эдуардо Камавинга, Лука Модрич, Лукас Васкес, Федерико Вальверде, Марко Асенсио ва Винисиус Жуниор биттадан юлдуз олишди.

"Барселона" ўйинчилари Эрик Гарсия, Сержи Бускетс, Френки де Йонг, Педри ва Пьер-Эмерик Обамеянг ўйиндаги энг юқори баҳони олишди - уч юлдуз.

Марк-Андре тер Штеген, Рональд Араухо, Жерар Пике, Жорди Альба, Усмон Дембеле ва Ферран Торрес икки юлдуздан, Гави ва Мемфис Депай биттадан юлдуз олишди.

Marca шунингдек жамоа бош мураббийларини баҳолади. Карло Анчелотти битта юлдуз, Хави эса уч юлдузга лойиқ кўрилди.