Марадона Сафаров: “Машғулотларда кўпроқ жисмоний ҳолатимизга эътибор қаратяпмиз”

Ушбу учрашувда “Олмалиқ” жамоаси рақибларини (2:1) ҳисобида мағлуб этишди. “Машъал” клубидан ягона голга Марадона Сафаров муаллифлик қилди. Ўйиндан сўнг Сафаров тайёргарлик тўғрисида фикр билдирди.

“Бугун бу йилги сўнгги ўйинимизни ўтказдик. Бунда “Олмалиқ” жамоасига қарши назорат учрашувида майдонга тушдик. Ҳозирча ҳеч нима маълум эмас. Мураббийларимиз олдимизга ҳеч қандай вазифа қўймаган. “Олмалиқ” клуби ҳам яхши шакилланган жамоа, асосан ёш футболчилар майдонда ҳаракат қилишади. Кумиков ҳам тажрибали мутахассис ҳисобланади. Машғулотларда кўпроқ жисмоний ҳолатимизга эътибор қаратяпмиз. Янги йилдан сўнг янада кучлироқ машғулот ўтказамиз”, - дейди “Машъал” клуби футболчиси Марадона Сафаров

Жаҳонгир Сотволдиев