Мануэль Пеллегрини: "Реал"га қарши ҳужумкор ўйнаш керак"

- Европа чемпионлар лигасидаги ярим финал ўйинидан завқ олиш лозим. Чунки "Сити" ҳар доим ҳам бу босқичга қадар етиб келавермайди. Бизни қанчалик муҳим ўйин кутиб турганини барча яхши ҳис этиб турибди. Бўшашмаслигимиз керак, рақиб ҳам финалга чиқишни жуда истамоқда. Улар ҳам бизга ўхшаб ғалабани кўзлаб майдонга чиқишади. Мен фаолиятимни совринларга қараб ўлчамайман. Уч йил ичида қилган ишларимни мевасини кўриш учун финалга йўл олмоғимиз лозим. Шунингдек, жамоам қандай ўйин кўрсатаётгани ҳам мен учун муҳим. "Манчестер Сити" ҳеч қачон ҳимоядан ўйнамайди. Ҳимояланиш орқали финалга чиқиб бўлмайди. Биз ҳужумкор футбол кўрсатишимиз лозим. "Реал"га қарши ҳужумкор футбол ўйнаймиз. Финалга фақат шу йўл орқали чиқишимиз мумкин. Барча мураббийлар соврин, айниқса ЕЧЛда ғолиб бўлишни орзу қилади. Мен яна қайтараман, менга жамоам чиройли ўйнаб ғалаба қозониши муҳимроқ.