"Манчестер Сити" собиқ футболчиси келажаги борасида бир қарорга келди

"Атлетико Паранаэнсе" ярим ҳимоячиси Фернандиньо фаолиятини якунламоқчи эмас, дея хабар берди "A Bola".

Футболчи жамоада яна камида 1 мавсум ўтказмоқчи, бу ҳақда у клуб раҳбариятини хабардор қилган.

Бразилиялик футболчи 2022 йилдан буён "Атлетико Паранаэнсе"да ўйнаб келмоқда. Унинг клуб билан амалдаги келишуви 2024 йилнинг охиригача мўлжалланган.

38 ёшли хавбек Европада "Шахтёр" ва "Манчестер Сити"даги ўйинлари билан танилган.