“Манчестер Сити” АПЛда яна бир рекордни янгилади

Жамоа 2021 йил давомида чемпионат доирасида меҳмонда ўтказилган 17-учрашувда зафар қучди ва бу борада мусобақа рекордини янгилади. Шунингдек, Пеп Гвардиола шогирдлари бир календар йили давомида урилган голлари сонини 105 тага етказиб, клуб рекордини ўрнатишди. 1929 йил “шаҳарликлар” 104 та тўп киритишган эди.

Аввалроқ, “Сити” йил давомидаги ғалабалари сонини 34 тага етказиб, "Ливерпуль"нинг деярли 40 йил давом этган рекордини янгилагани ҳақида хабар бергандик.