Манба: Дзюба "Адана Демирспор" билан шартномани бекор қилди

Бу ҳақда инсайдер Иван Карпов ўз телеграм каналида хабар берди. Расмий хабар ҳали берилмади.

Дзюба турк клубига 2022 йилнинг ёзида эркин агент мақомида ўтган эди.

34 ёшли ҳужумчи янги жамоасида барча мусобақаларда 5та ўйинда майдонга тушиб, 1та гол уришга эришди.

Унинг "Адана Демирспор" билан келишуви бир мавсумга узайтириш имконияти билан 2023 йилнинг 30 июнига қадар мўлжалланган.

Жамоа 12 турдан сўнг 23 очко жамғарган ҳолда, Туркия чемпионатида 4-ўринда бормоқда.