Мадрид полицияси хавотирда
08 дек 2018 13:00
Янгиликлар

Мадрид полицияси хавотирда

"Ривер Плейт" ҳамда "Бока Хуниорс" ўртасидаги Либертадорес Кубогининг иккинчи финалидан олдин Мадрид полицияси жамоаларнинг 500га яқин фаол мухлислари тартибсизликлар уюштиришидан хавотир олмоқда.

Маълумотларга кўра, икки клубга ҳам 20 мингтадан чипта берилган. Аргентинадан 10 мингга яқин мухлис ташриф буюриши кутилмоқда. Ўйин вақтида 4 мингдан ортиқ ҳарбий ва полициячилар хавфсизликни таъминлашади.

"Ривер Плейт" - "Бока Хуниорс" учрашуви 24 ноябрь куни Аргентина пойтахтида ўтиши керак эди, аммо мезбон жамоа мухлисларининг автобусга қилган ҳужуми туфайли баҳс қолдирилди. Финал ўйини 9 декабрь куни Мадриддаги "Сантьяго Бернабеу" стадионида бўлиб ўтади.

Эслатиб ўтамиз, ушбу жамоалар ўртасидаги биринчи учрашув 2:2 ҳисобида якунланган эди.

Ҳавола :

Манба : Marca

Янгиликларни Телеграмда ўқинг!

Рейтинг: +4