Людовик Жюли: "Месси энди барча ўйинларда иштирок эта олмайди"
23 фев 2023 10:08
Янгиликлар

Людовик Жюли: "Месси энди барча ўйинларда иштирок эта олмайди"

Собиқ футболчи Людовик Жюлининг фикрича, Лионель Мессига ҳам "ПСЖ", ҳам Аргентина терма жамоасида қийин бўлади.

"Энди Лео барча ўйинларда қатнаша олмаслигини тушуниш лозим. Баъзида дам олиш ҳам керак. Масалан Чемпионлар лигаси учрашувлари олдидан. Назаримда шундай ритм яхши: учта ўйин, битта дам олиш.

Лео ҳалиям Аргентина терма жамоасида ўйнаш истаги борлигини айтяпти. Бу муаммо бўлиши мумкин. Маълум вақтдан сўнг сен парвозлардан кейин тикланишинг қийин бўлади. У клубдаги фаолиятини давом эттириш учун терма жамоадаги чорловларни рад этиши лозимми? Билмадим, буни муҳокама қилиш лозим.

Биз уни кўп танқид қилдик. Аммо у жаҳон чемпионатида ғалаба қозонди. Чунки у яхши тайёрланганди. Эслатиб ўтаман, гап жаҳоннинг энг яхши футболчиси Лионель Месси ҳақида кетмоқда", - деди "Барса"нинг собиқ футболчиси Жюли.