Лутфулла Тўраев: "Пахтакор" майдонида ҳам ғалаба қозониш вақти келди"

- Қисқа муддатли таътилдан сўнг иккинчи даврага тайёргарлик қандай кетмоқда?

- Авваламбор, халқимизни яқинлашаётган қурбон ҳайити байрами билан табриклайман. Биринчи давра ортда қолди. Эндиликда иккинчи давра баҳсларига тайёргарликни бошладик. Икки маҳалдан машғулотлар бўлиб ўтмоқда. Биринчи кун тиббий кўрикдан ўтдик, ковидга тест топширдик. Худога шукур ҳамма соғ-саломат. 31 июль куни  "Пахтакор" билан учрашувга жиддий ҳозирлик кўрамиз. 

- Бугун ушбу баҳс "Бунёдкор" стадионида ўтмаслиги ҳақида хабар чиқди. Майдон майсаси ачинарли ҳолатга келиб қолган. Ўйин 

"Пахтакор" стадионида бўлиб ўтади. Мазкур жараёнга муносабатингиз қандай?

- Бизни қўлимизда эмас. Биринчи йиғилган кунимиз Шуҳрат ака бу ҳақида айтдилар. Ўйлашимча, кейинги уй ўйинимизга майдон тайёр бўлиб улгуради. 

- "Пахтакор" жамоаси олдинги мавсумларда "Бунёдкор" стадионида яхшигина қаршиликка учраган, қийналганди. 

- Энди бу  -  футбол. Икки йилдан бери "Пахтакор" майдонида мағлубиятга учраяпмиз. Демак, ғалаба қозониш вақти келди. Ютқазмасликка ҳаракат қиламиз. Дерби ўз номи билан дерби. Бу жамоалар ўртасидаги тўқнашувлар доим қизиқарли кечган.

Жаҳонгир ёзиб олди.