Дортмунднинг "Боруссия" клуби ҳимоячиси Лукаш Пишчек терма жамоа йиғинига жўнаб кетган. У 2018 йилги жаҳон чемпионатидан кейин Польша терма жамоаси сафидаги фаолиятини якунламоқчи эканлиги тўғрисида эълон қилганди. 19 ноябрь куни ўтказиладиган Евро-2020 саралаш босқичи доирасидаги Словения терма жамоасига қарши учрашув Пишчек учун терма жамоа либосидаги сўнггиси бўлади. Бу ҳақида "Боруссия" клубининг расмий сайти хабар берди.
