“Локомотив” “Сўғдиёна”га 10 йилдан буён ютқазмаяпти
21 апр 2018 09:55
Янгиликлар
“Локомотив” “Сўғдиёна”га 10 йилдан буён ютқазмаяпти
Таъкидлаш жоизки, мазкур жамоаларнинг ўзаро учрашувлари ҳамиша қизиқарли ва томошабоп тарзда кечиб келади. “Локо” “Сўғдиёна”га қарши илк учрашувини 2004 йилда ўтказган. Ўшанда ЖАР стадионида кечган беллашувда “темирйўлчилар” жамоаси 3:0 ҳисобида зафар қучишган. Ўзи аслида мазкур икки клуб миллий чемпионатларимиз тарихида шу пайтгача жами 20та ўйин ўтказишган. Ўзаро беллашувларнинг 15тасида “қизил-яшиллар” жамоаси ғалаба қозонган. Жиззахликлар эса фақат 2 бор зафар қучишган. Яна 3та ўйин дуранг билан якунланган.

“Локо” футболчилари ушбу рақиб дарвозасини умумий ҳисобда 52 марта ишғол этишган ва ўз дарвозасидан 11та гол ўтказиб юборган. “Локомотив”нинг “Сўғдиёна” устидан қозонган энг йирик ҳисобдаги ғалабаси 7:0ни ташкил этади.
Яна бир диққатга сазовор жиҳат шундан иборатки, “Локомотив” бугунги рақибига сўнгги марта 2008 йилда 0:1 ҳисобида мағлуб бўлган. Ўшандан буён “Локо” ҳеч бир ўйинда “Сўғдиёна”га имкониятни бой бермай келмоқда.
Ўхшаш янгиликлар
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
Суперлига. "Бухоро" ўз уйида бир киши кам "Нефтчи"дан очко тортиб олди
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
Фикрлар