"Локомотив" раҳбариятига раҳмат

Тошкентдаги "Локомотив" стадионида ўтган ўйинда 1:1 ҳисоби қайд этилди. Баҳсни ёритиб бориш учун 40дан ортиқ журналистлар ўйингоҳга ташриф буюришди. Ўтган йил анчагина танқидларга учраган "Локомотив" раҳбарияти ниҳоят ОАВ учун медиа трибуна тайёрлади.

Ўрни келса танқид қилишни ҳам, мақташни ҳам билиш керак. Ноутбук учун столлар ҳозирланган, WiFi ишлаб турибди... бир сўз билан айтганда бугун келган барча ҳамкасбларимиз ўз ишларини бемалол бажаришди, ҳеч қандай камчилик бўлгани йўқ.

Шу фурсатдан фойдаланиб "Локомотив" клуби раҳбариятига миннатдорчилик билдириб қоламиз. 


Нарзулла Сайдуллаев