"Локомотив": Назорат учрашувида “Оқтепа” мағлуб этилди

Тошкент Темир Йўл Муҳандислари Институти майдонида пойтахтнинг яна бир жамоаси, биринчи лига вакили “Оқтепа” футбол клуби ушбу назорат учрашувида Абрамов шогирдларига рақиблик қилди.

Ўйин давомида рақибларимиз ҳам бир неча хавфли вазиятлар яратишган бўлишса-да, устунлик тўлиқ “Локо” томонида бўлди ва кўплаб вазиятлар яратилди.
Таъкидлаш керакки, учрашувдаги биринчи голни “Оқтепа” собиқ ҳужумчиси Алишер Шоғуломов киритиб, мезбонларни ҳисобда олдинга олиб чиқди.

Иккинчи голни эса биринчи бўлимда Шоғуломов билан тандем ҳосил қилган ҳолда ўйнаган Иван Нагаев киритди. Ҳар икки гол ҳам чап қанотда Жасур Ҳасановнинг фаолллиги эвазига киритилди.

Иккинчи бўлимда майдонга тушган таркиб ҳам анча ҳужумкор ўйин намойиш этган бўлса-да, ўзи яратган вазиятларни голга айлантира олмади. Аксинча, қарши ҳужумда яхши ҳаракат қилган “Оқтепа” вакиллари пеналти ишлашга ва унинг самараси ўлароқ ҳисобни қисқартишига эришди, 2:1. Ўйин шу ҳисобда якунланди.

Назорат учрашуви
“Локомотив” – “Оқтепа” 2:1
Голлар: Алишер Шоғуломов, Иван Нагаев
Биринчи бўлимдаги таркибимиз:

Темур Жўраев, Арём Филипосян, Шавкат Муллажонов, Илҳом Суюнов, Саҳоб Жўраев, Иброҳим Раҳимов, Қувондиқ Рўзиев, Жасур Ҳасанов, Виктор Карпенко, Алишер Шоғуломов, Иван Нагаев.

Иккинчи бўлимдаги таркиб:

Игнатий Нестеров, Артём Филипосян, Хуршид Мухторов, Лутфулла Тўраев, Дилшод Раҳматуллаев, Садриддин Абдуллаев, Жасур Ҳасанов, Бобур Тиллабоев, Марат Бикмаев, Александр Гейнрих, Фарҳод Тожиев.