"Локомотив" - 18 ёшда!

2002 йил 18 февралда "Локомотив" расман ташкил этилиб, футбол клуб мақомида ўз фаолиятини бошлаганди. Дастлабки икки мавсумни биринчи лигада ўтказган "темирйўлчилар" 2004 йил илк бор Олий лигага йўлланма олишган.

2004-2010 йилларни Олий лигада ўтказган "Локомотив" мавсум охирига келиб Биринчи лигага тушиб кетади. Бир йиллик танаффусдан сўнг яна элитага қайтган "темирйўлчилар" фаолиятида янги давра бошланди. "Локо" 2012 йилдан бошлаб ўз олдига фақат юқори мақсадларни қўйиб келмоқда.

Ўтган 8 йил мобайнида "Локомотив" 3 марта Ўзбекистон чемпиони (2016, 2017, 2018), 3 бор Ўзбекистон Кубоги соҳиби (2014, 2016, 2017) ҳамда икки марта Ўзбекистон Суперкубоги соҳиби (2015, 2019) бўлди. Бундан ташқари жамоамиз 2016 йил Осиё чемпионлар лигасида чорак финалга қадар етиб борган.

Бугунги байрам билан барча "темирйўлчилар"ни табриклаб қоламиз!