Левандовски билан можаро сабаб ишсиз қолган мутахассис Қозоғистон терма жамоасини бошқариши мумкин

Поляк шарҳловчиси Матеуш Борек (TVP Sport) "Kanał Sportowy" (1 млн обуначи) стримидаги маълумотга кўра, ҚФФ Михал Пробеж билан шартнома бўйича келишувга эришган — у аввал Польша терма жамоасини бошқарган.

53 ёшли мутахассис июнь ойида Роберт Левандовски билан бўлган можародан сўнг (у "Барселона" ҳужумчисидан сардорлик боғичини олиб қўйган эди) лавозимини тарк этган.

Унинг бошқарув даврида натижалар ўртача бўлган: 9 та ғалаба, 5 та дуранг ва 7 та мағлубият.