"Лестер" Кристиансен билан шартнома тузиш арафасида

Инглиз клуби футболчини 18 млн фунтга харид қилиш бўйича музокараларни олиб бормоқда. Дания клуби икки томон ўртасида музокаралар бўлиб ўтаётганини тасдиқлади, бироқ улар ҳали розилик билдирганликларини маълум қилгани йўқ.

"Тулкилар" бош мураббийи Брендан Рожерс 20 ёшли чап қанот ҳимоячисини шу ойда "Кинг Пауэр" ўйингоҳига олиб келмоқчи бўлган уч футболчидан бири сифатида нишонга олган. Агар бу келишув муваффақиятли амалга ошса, Дания клуби тарихидаги ва мамлакат Суперлигаси тарихидаги энг йирик битим бўлади. 

"Лестер" ҳимоячиси Жеймс Жастин ноябрь ойида узоқ муддатга сафдан чиққанидан кейин чап қанот ҳимоясини тўлдириш учун Рожерс кимнидир жамоага келтиришга эҳтиёж сезмоқда. Клуб 12 млн фунт миқдорида бошлагғич тўловни ўтказиб бериши мумкин. Улар Премьер-лигадаги тўртта мағлубиятдан кейин турнир жадвалида сўнгги поғоналардан юқорига чиқиб олиш учун таркибни кучайтириш ишларини олиб бормоқда. 

Кристиансен икки йил олдин ҳозирги клубида катталар жамоасига кўтарилгач, 73 та ўйинда майдонга тушди. У Чемпионлар Лигаси ва Конференциялар Лигаси тажрибасига ҳам эга.