Легионерлар. Бугун Шомуродов, Ғаниев, Абдихолиқов жамоалари ўйнайди

Корея

Корея К-Лига 13-турида "Канвон" "Сувон Блюуингс"ни қабул қилади. Икром Алибоев жамоаси айни пайтда 11-ўринда бораётган бўлса, рақиб 12-ўринда. Хавфли зона жамоалари ўртасидаги тўқнашув 15:00 да бошланади.

БАА

Азиз Ғаниевнинг "Шабаб Ал Аҳли" клуби БАА Биринчи дивизиони 26-турида "Ажман" билан беллашади. Муддатидан олдин чемпионликка эришган "Шабаб Ал Аҳли"нинг ўйини Тошкент вақти билан 20:35 га белгиланган.

Қозоғистон 

Бобир Абдихолиқов ва Шаҳбоз Умаровнинг "Ордабаси" жамоаси Қозоғистон Премьер-лигаси 9-турида "Мақтараал" меҳмони бўлади. Мазкур учрашув 20:00 да старт олади. Айни пайтда "Ордабаси" 3-ўринни эгаллаб турган бўлса, "Мақтараал" охирги ўринга жойлашган.

Беларусь 

Абдуқодир Ҳусанов ҳамда Амирбек Бакаевнинг "Энергетик-БГУ" жамоаси 8-тур доирасида "Минск"ка қарши баҳс юритади. Учрашув 19:00 да бошланади.

Шаҳзод Убайдуллаевнинг "Шахтёр" Солигорск клуби эса "Динамо-Брест" билан ўйнайди. Баҳс 23:00 да бошланиши режалаштирилган.

Россия

Ҳусайн Норчаев ўйнайдиган "Алания" клуби МФЛ 31-турида "Краснодар-2" билан рўбарў келади. "Алания" ҳозир 3-ўринда бормоқда, рақиб эса сўнгги поғонадан жой олган. Баҳс 17:00 да старт олади.

Вагиз Галиуллиннинг "Нефтехимик" жамоаси ўз уйида "Родина"ни қабул қилади. Беллашув 19:30 да бошланади. 

Рустам Ашурматов ҳамда Умарали Раҳмоналиевнинг "Рубин" клуби "Акрон" билан тўқнаш келади. Баҳс 20:00 га белгиланган.

Ҳожимат Эркиновнинг "Торпедо" жамоаси РПЛ 27-турида "ЦСКА"га рақиблик қилади. Учрашув бошланиш вақти – 21:00.

Италия

Элдор Шомуродов тўп тепадиган "Специя" клуби ўз майдонида "Милан"ни қабул қилади. Айни пайтда мезбонлар 18, меҳмонлар эса 5-ўринда боришяпти. Мазкур учрашув 21:00 да бошланиши режалаштирилган.