Леандро Лино: "Жаҳон чемпионатигача жуда кўп меҳнат қилдик ва бу ўз самарасини берди"

"Финалда ажойиб ўйин ўтказдик. Қайси жамоа камроқ хатога йўл қўйиб, вазиятлардан кўпроқ фойдаланса, ғалаба қозонишини билардик. Биринчи бўлимда икки тўп фарқи билан танаффусга йўл олдик. Кийиниш хонасида ҳимояда ўта эҳтиёткор бўлишимиз лозимлигини таъкидлашди. Шунга қарамай, барибир ўз дарвозамиздан тўп ўтказиб юбордик. Умуман оланда, ҳимояда мустаҳкам эдик ва Аргентинанинг ҳужумларига дош берган ҳолда чемпион бўлдик.

Бразилия ва Аргентина ўртасидаги классикода, устига-устак финалда тўп тепиш ўзгача ҳиссиёт бағишлайди.

Биз турниргача жуда кўп меҳнат қилдик ва бу ўз самарасини берди. Мен 29 ёшдаман, жаҳон чемпиони бўлдим ва кейинги мундиалда ҳам иштирок этишим мумкин. Нима бўлганда ҳам, ўз устимизда ишлашда давом этишимиз керак", деди Лино.

Эслатиб ўтамиз, Бразилия терма жамоаси ўз тарихида олтинчи маротаба жаҳон чемпиони бўлди.

Оқил Абдубарноев суҳбатлашди.