UZ

Сўнгги янгиликлар

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  4 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  2 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  8 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  42 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

Ла Лига. "Барселона" ўз майдонида "Атлетик" устидан қийин ғалабага эришди, Ямаль гол урди Янгиликлар

Ла Лига. "Барселона" ўз майдонида "Атлетик" устидан қийин ғалабага эришди, Ямаль гол урди

Ла Лиганинг 2-тури доирасидаги "Барселона" — "Атлетик Бильбао" учрашуви якунланди.

Барселона – Атлетик Бильбао 2:1

Голлар: 1:0 – 24 Ямаль, 1:1 – 42, пенальти Сансет, 2:1 – 75 Левандовски.

24 август, 22:00, "Олимпик Льюис Компанис"

Барселона – тер Стеген, Бальде (Мартин, 90+1), Мартинес, Кубарси, Кунде, Педри, Берналь (Эрик Гарсия, 83), Ферран Торрес (Лопес, 63), Рафинья, Ямаль (Виктор, 90+1), Левандовски.

Атлетик – Падилья, Берчиче, Йерай Альварес, Вивиан, Лекуэ, Прадос (Эррера, 78), Весга (Хаурегисар, 63), Уильямс, Сансет (Унаи Гомес, 62), Беренгер (Арес, 72), Уильямс (Гурусета, 78).

Огоҳлантиришлар: Йерай Альварес (38), Кубарси (41), Берналь (49), Беренгер (56), Левандовски (85), Лекуэ (87), Лопес (90+6), Хаурегисар (90+6), Эррера (90+6).

МАТНЛИ ТРАНСЛЯЦИЯ

ЯНГИЛАШ

Учрашув якунланди.

90. Иккинчи бўлимга 5 дақиқа қўшиб берилди.

85. Бугун ҳамма нарсага эришган Левандовски ўз ҳисобига сариқ карточка ҳам ёздириб қўйди.

75. ГОЛ! Левандовскининг икки зарбаси дарвоза устунига тегиб қайтганди, учинчиси тўрга бориб тушди. Чап қанотдан бошланган ҳужум Педрининг зарбаси билан давом этди, дарвозабондан қайтган тўпни польшалик форвард дарвозага аниқ йўллади.


74. "Атлетик"нинг стандарти зарба билан якунланди. Тер Стеген ўз ўрнида.

66. Хавфли вазият! Никонинг рақиб жарима майдонидан йўллаган айланма зарбаси ўзи кутганчалик муваффақиятли чиқмади.

64. Хавфли вазият! Падильядан даҳшатли сейв! "Атлетик" посбони ўз жарима майдонида қанотдан келган узатмага тўхтатмасдан кучли зарба йўллаган Левандовски тепган тўпни қайтарди.

60. Хавфли вазият! Сансетнинг парашют услубида йўллаган зарбаси тер Стегенга ноқулайлик туғдирди, немис посбони қўллари билан тўпни майдон ташқарисига чиқариб юборди.

57. Хавфли вазият! Учрашувда иккинчи маротаба Левандовскининг зарбаси дарвоза устунига тегиб қайтди.


52. Рафинья ўйиндан ташқари ҳолатда қолиб кетди. Бир дақиқадан сўнг Ферран шу вазиятга тушиб қолди.

49. Бернал ўзидан ўтиб кетган Сансетни тўхтатиб қолгани учун огоҳлантирилди.

46. Иккинчи бўлим бошланди.

Тайм якунланди.

45. Биринчи бўлимга 6 дақиқа қўшиб берилди.

42. ГОЛ! Сансет пенальтидан ҳисобни тенглаштирди. Ўзидан ўнг томонга ташланган Тер Стеген тўп йўналишини топа олмади.


41. "Барселона" дарвозаси томон пенальти белгиланди.

39. Левандовски рақиб жарима майдонида йиқитилди, кейинги ҳужумда эса "Атлетик" футболчиси йиқитилди. ВАР вазиятни кўриб чиқади.

38. Йерай огоҳлантирилди.

36. Хавфли вазият! Рафиньянинг пасидан сўнг Левандовскининг жарима майдонидан йўллаган зарбаси дарвоза устунига тегиб қайтди.

33. Жамоалар томоқ ҳўллаб, мураббийлардан кўрсатмалар олишди.

30. Ферран рақиб дарвоазбони билан бирга-бир вазиятга чиқиб бориши мумкин эди, бироқ у томон узатилган тўпга Падилья биринчи бўлиб етиб келди.

27. Хавфли вазият! Нико Уильямс чапқанотдан шеригига хавфли узатма амалга оширди, бироқ жамоадоши бироз кечикди, акс ҳолда ҳисоб тезда тенглашиши мумкин эди.

24. ГОЛ! Ямаль олис масофадан чап оёқда рақиб дарвозасининг узоқ пастки бурчагини аниқ нишонга олиб, ҳисобни очди. Тўп йўл-йўлакай рекошет ҳосил қилиб, дарвоза тўридан ўрин олди.


21. Хавфли вазият! Нико Уильямс чап қанотда бир рақибини алдаб ўтиб, кучли зарба йўллади, аммо тўп рақиб ҳимоячисига тегиб, майдон ташқарисига чиқиб кетди. 

18. Хавфли вазият! "Атлетик"нинг бурчакдан йўллаган узатмаси зарба билан якунланди. Вивиан зарбасига бироз аниқлик етишмади.

15. Ямаль рақибини алдаб ўтди, бироқ шу ҳаракати учун йиқитилди.

12. "Барселона" прессинг натижасида яхши имкониятга эга бўлди, бироқ сўнгги лаҳзада меҳмонлар ҳимоячиси тўпни майдон ташқарисига чиқариб юборди.

11. Ферран Торрес узоқ масофадан ўз омадини синаб кўрди, унинг тепган тўпини Падилья эгаллаб олди.

4. Уильямсга нисбатан майдон марказида қўполлик ишлатилди.

1. Учрашув бошланди.

Жамоалар майдонга чиқиб келишди. "Барселона" бинафшаранг-қизил, "Атлетик" пушти рангли либосларда ҳаракат қилади.

Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика