КХДР Хитойга мағлуб бўлди
06 авг 2015 10:17
Янгиликлар

КХДР Хитойга мағлуб бўлди

5 август куни Шарқий Осиё Футбол Федерацияси томонидан ташкил этилган Шарқий Осиё Кубоги мусобақаси финал босқичи доирасидаги навбатдаги ўйинлар бўлиб ўтди.

Хитой, Жанубий Корея, Япония ва КХДР терма жамоалари иштирок этаётган ушбу турнирнинг аввалги натижалари ҳақида хабар берган эдик.

Ўзбекистон миллий терма жамоасининг Жаҳон чемпионати-2018 саралашининг иккинчи босқичидаги рақибларидан бири бўлган КХДР иккинчи ўйинда Хитойга қарши майдонга тушиб, 2:0 ҳисобида мағлуб бўлди. Голларга Ю Дабао ҳамда Ванг Ёнгпо муаллифлик қилишди.

Финал босқичи иккинчи туридаги бошқа бир учрашувда Япония ва Жанубий Корея терма жамоалари 1:1 ҳисобида дуранг натижа қайд этди.

Мусобақанинг навбатдаги ўйинлари 9 августда бўлиб ўтади. Бу сафар КХДР Жанубий Корея терма жамоасига қарши ўйнайди.

Ҳавола :

Манба : the-uff.com

Янгиликларни Телеграмда ўқинг!

Рейтинг: