Кувайт U-23 бош мураббийи Абдул Азиз Ҳамадеҳ: "Гуруҳимиздаги барча рақиблар кучли"

Матбуот анжуманида Кувайт U-23 термаси бош мураббийи Абдул Азиз Ҳамадеҳ ва жамоа сардори Ҳолид Ал Ажажи қатнашди.

- Турнир ва Кувайт U-23 тайёргарлиги ҳақида

"Мусобақа ташкилотчиларига миннатдорлик билдириб қоламан ва умид қиламанки, чиройли футбол кўрсатамиз", – деди жамоа устози.

"Авваламбор, ҳаммага салом. Мен бу турнирда иштрок этаётганимда хурсандман ва мусобақа ташкилотчиларига раҳмат айтиб қоламан", – деди Ҳолид Ал Ажажи. 

- Гурухингиздаги рақибларни қанчалик ўргандингиз?

- Cавол учун раҳмат. Гуруҳимиздаги барча рақибларни урганиб чиқдик, рақибларимиз кучли. Кейинги уйин Иорданияга қарши бўлса, 3-тур Ироқ жамоасига қарши ўтади. Бу гурухни икки даражага булдик. Биринчи даражада одатда бир хил уйин кўрсатадиган Ғарбий Осиё жамоалари – Ироқ, Кувайт ва Иордания, иккинчи даражада буткул бошқача уйин услубига ва гавдали ўйинчиларга эга, жисмоний тарафлама жуда ҳам кучли Шарқиё Осиё вакили – Австралия терма жамоаси. Ҳар бир рақибимизни ўрганиб чиққанмиз ва қайси жамоа билан ҳужумкор ва қайси жамоа билан ҳимоявий ўйин кўрсатишни биламиз.

- Ҳолид Ал Ажажига савол. Биринчи уйиндаги рақибингиз жуда кучли Австралия жамоаси ва бу жамоа Олимпиада уйинларига йулланма олган. Бу ҳақда фикрингиз...

- Гурухимиздаги барча рақибларимизни ўрганиб чиқдик ва уйиндан уйинга ўсишга эришамиз. Рақибимиз Австралия ҳақида гапирадиган бўлсам, бу жамоа жисмоний тарафдан мусобадаги энг кучли жамоалардан бири. Аммо ишонаманки, бу рақибга қарши яхши ўйин кўрсата оламиз.

Эслатиб ўтамиз, Кувайт U-23 "B" гуруҳида Австралия, Иордания ва Ироқ билан кураш олиб боради. Жамоанинг 1-тур ўйини эртага 18:00 да Қаршидаги "Марказий" стадионида старт олади.