Кулмасдан, Сурхондарё ва бошқа вилоятларда болалар футболини биргаликда уйғотамиз!

Шунда кишилардан моддий ёрдам сўрадим. Фақат бир киши 100 000 сўм ташлаб кетган эди. У ҳам ўзим билан ўқиган курсдошим. Жуда кўпчилик мени мазах қилди, жуда кўпчилик. "МЕМ"ларим чиқди ҳар хил группаларда. 

Ўшанда жазирама иссиқ, чилла, рўза оғиз. Мен, операторимиз Зоир Турсунбоев ва дўстим, ҳам акам Камолиддин Алимов билан Сурхондарёга бордик. 100 000 сўмдан анчаси кетди.

Мени устимдан одамлар кулишаётган бир пайтда, бу ердаги ахволни кўриб йиғлагин келарди. Дилимга тугдим, шу вилоятда футболни уйғотишга. Ўз пайтида айнан шу вилоят футболчилари "Нефтчи"нинг шонли тарихини ёзишда катта ёрдам берган эди. Бу вилоятда туғма истеъдодлар кўп. Бу қуруқ гап эмас.

Бу вилоятга қилган сафаримдан кейин, бегона вилоятга қаратилаётган эътибор бойсунлик танишларимизда катта қизиқиш уйғотди. Шу қизиқиш туфайли ҳам Кико Зунига билан Бойсунга ташриф буюрдик. 

2006 йилда таваллуд топган ёш футболчини "Барселона"га таклиф қилиши, биз учун катта ютуқ. Бу таклиф пойтахт жамоаларидан эмас, дунё тан олинган клубга бўлиши икки ҳисса кайфиятимизни кўтаради.

Бир сафар мақоламда, Ўзбекистонда истеъдодлар кўп фақат маҳаллий мусобақаларни кўпайтириб, бизга скаутларни жалб қилишимиз кераклигини ёзгандим. Мамлакатга футбол скаути келмас экан, тарбияланувчиларимиз шу ерда қолиб кетаверади.

Тўғри, ҳали бу футболчи кўрикдан ўтмади, ҳали "Барселона" оладими, йўқми, у ҳам номаълум. Лекин бизнинг футболчилар чет элда ўйнай олишларини ўзи бир катта натижа. Барчаси қадамма-қадам бўлади. Биз ҳам бирданига осмонга сакраш ниятимиз йўқ. Шундай ҳамкорларни кўпайтирган ҳолда мақсадимизга албатта етишамиз.

"Best Sport Media" компаниясини очишдан ҳам мақсад шу. Осиёдаги энг зўр мусобақалар бир кун келиб қаерда деганда, барча Ўзбекистонда деб жавоб бериши керак. Бу 10 йилдан кейин бўладими, 20 йилдан кейин. Соғ саломат эканмиз, шу йўлдан қайтмаймиз!

"JFL Tashkent" фақат бойнинг боласи қатнашади деганлар ҳам адашади. Айнан шу болалар клубининг чет элдаги ҳамкорлари орқали мана шундай истеъдодларни чет элга чиқаришни бошлаймиз.

Бизга ишонганларга раҳмат! Фарзандингизни росмана футболчи бўлишини истасангиз, футболдан ташқари мактаб билимига ҳам катта аҳамият беринг! Бу жуда муҳим!