Кубарси, Фермин, Эрик Гарсия – Ўзбекистон билан бир гуруҳдан ўрин олган Испания термаси Париж-2024 учун қайдномасини эълон қилди

Испания Олимпия терма жамоаси Париж-2024'дан олдинги якуний йиғини учун 22 кишилик рўйхатни эълон қилди. Испаниянинг йиғини 1 июль куни старт олади. 17 июль куни Олимпия жамоаси Франциянинг Бордо шаҳрига етиб боради ва 18 июль куни АҚШ Олимпия термасига қарши ўртоқлик ўйини ўтказади. Шундан сўнг, Испания жамоаси Парижга йўл олади. У ерда 24 июль куни Олимпиада биринчи турида Ўзбекистонга қарши ўйин ўтказади. Шуни эътиборга олиш лозимки, Испания терма жамоаси эълон қилган рўйхатдан 22 нафар футболчи жой олган. Олимпия ўйинларининг якуний рўйхатида 18 нафар футболчи бўлади.

Испания Олимпия терма жамоаси:

Дарвозабон: Арнау Тенас, Жоан Гарсия, Итурбе

Ҳимоячилар: Марк Пубилл, Жуанлу Санчес, Эрик Гарсия, Москера, Пау Кубарси, Жон Пачеко, Миранда, Мигель Гутьеррес

Ярим ҳимоячилар: Бернабе, Турриеньтесь, Алекс Баена, Пабло Барриос, Аймар Ороз

Ҳужумчилар: Серхио Гомес, Фермин Лопес, Диего Лопес, Серхио Камелло, Саму, Абель Руиз.